Mori ndihma sociale dhe punoi në të zezën, ky është dënimi

Shtetasi nga Maqedonia kishte marrë ndihma sociale dhe në të njëjtën kohë kishte punuar, duke marrë pagat në dorë

Kadir B. nga Maqedonia e Veriut për katër vite kishte pranuar ndihma sociale, derisa ishte edhe duke punuar. Mediat zvicerane raportojnë se 54-vjeçari ka përvetësuar 159 mijë franga në mënyrë të paligjshme, përcjell albinfo.ch.

Ai akuzohej nga Gjykata e Bazelit për shkak të për mashtrimit tregtar, punësimit dhe strehimit të të huajve pa leje pune dhe shkelje të ligjit të trafikut.

Ai jo vetëm që kishte mashtruar shteti zviceran, por paraqitej si një xhentëlmen me BMW X6. Shtetasi nga Maqedonia Veriore ka jetuar për katër vite me radhë me ndihmë sociale, duke pranuar 246 726 franga nga enti social i Bazelit. Ai akuzohej se të paktën 159,202 franga i ka pranuar në mënyrë të paligjshme, përcjell tutje albinfo.ch.

Derisa po merrte ndihmë sociale, gjithashtu kishte punuar në një firmë gjipspunuesish në Luzern. Paratë i merrte në dorë, dhe llogaritet se gjatë kësaj periudhe ka përfituar 170 226 franga, duke mos i deklaruar.

Madje, ai nga viti 2018 ishte edhe pronar i një kompania ndërtimi në Bazel, derisa para gjykatës paraqitej si i varfër, i lodhur psikologjikisht dhe i paaftë për të punuar për shkak të problemeve të gjurit. Ai ka thënë se ka gjashtë fëmijë dhe ishte i varur nga ndihma financiare nga miqtë dhe familja.

Prokurori ka kërkuar një burgim të kushtëzuar prej 20 muajsh, të pezulluar në periudhën provuese prej dy vitesh. Megjithatë, mbrojtësi i të akuzuarit, ka kërkuar lirim nga të gjitha akuzat, duke kërkuar dënim për vetëm tetë muaj burg të pakushtëzuar, me një periudhë provuese prej dy vitesh.

Megjithatë, gjykata nuk tregoi lehtësim dhe vendosi ta shpallë fajtor për të gjitha akuzat. Kadir B. i shqiptohet një dënim me burg me kusht prej një viti, me një periudhë provuese prej dy vitesh, për mashtrim të entit të mirëqenies sociale.

Për veprat e tjera ai u dënua me gjobë me kusht me 75 mëditje pune prej 30 frangash, me dy vite periudhë provuese.

Emri i ndryshuar

https://www.blick.ch/news/schweiz/basel/mazedonier-prellte-basler-sozialamt-um-159000-franken-fette-autos-duenne-ausreden-id15286158.html

---