Roboti, i programuar të aplikojë teknikat e pikturimit

Një artist nga Hong-Kongu ka krijuar një robot me inteligjencë artificiale që mund të krijojë vepra të artit, derisa ka nxitur pyetjen nëse një robot mund të ketë imagjinatë?

Victor Wongut i janë dashur tre vjet për të ndërtuar dhe programuar robotin e quajtur A.I Gemini, që tash ka mësuar teknikat e pikturimit.

Në algoritmin e tij nuk është caktuar asgjë dhe Wong nuk e di se çfarë do të pikturojë roboti para se të fillojë punën me brushë. Pamjet tredimensionale që janë marrë nga Hëna janë vendosur te roboti që ka filluar t’i pikturojë në letër.

Robotit i duhen mesatarisht 50 orë për të krijuar peizazhet, të cilat shiten për 10 mijë funte në Londër. Duke folur në galerinë e Londrës, në të cilën po ekspozohen veprat e robotit, Wong tregoi përse përdori pamjet e Hënës si bazë të punës së piktorit Gemini.

“U frymëzova nga momentet historike, siç është hulumtimi i pjesëve të papara të Hënës dhe hulumtime të tilla po bëjmë edhe ne në pikturë”, tha Wong. Wong e dizajnoi robotin që të përdorte artin e lashtë ‘shuimo’ që përdor vetëm ngjyrat bardh e zi.