Boksierja shqiptare barazon, e ruan titullin e kampiones

Boksierja e vetme shqiptare në profesionizëm, Fabiana Bytyqi, ka arritur të mbajë titullin e botës në versionin WBC në peshën atom (deri 46.27 kilogramë).

Bytyqi të shtunën mbrëma në Çeki ka barazuar me meksikanen Maria Soledad Vargas, por si kampione ka mbajtur titullin.

Fabiana, 23-vjeçare, ka 14 fitore e një barazim, raporton Koha Ditore, përcjell albinfo.ch.

Po të shtunën mbrëma në Gjermani, boksieri i peshës së mesme, Faton Vukshinaj, ka barazuar në duel me boksierin nga Bregu i Fildishtë, Landry Kore.

Meçi ishte në një mbrëmje të organizuar nga kompania e njohur gjermane Sauerland.
Vukshinaj ka nëntë fitore e dy barazime, ndërsa Kore tash ka nëntë fitore e një barazim.