Ministrja e re serbe e Kosovës kritikohet nga bashkëkombësit e saj

Janë bërë më shumë se një muaj që kur ministrja e re e Bujqësisë në Kosovë, Diana Zhiviq, është vendosur në zyrën e saj.

Që nga dita kur e mori postin e ministres, Zhiviq u paragjykua nga bashkëkombësit e saj.

Megjithatë, tridhjetë e tre vjeçarja, e lindur dhe e rritur në Kosovë, nuk befasohet me kritikat që shkojnë në drejtim të saj. Madje, ajo thotë se partia e  Sllobodan Petroviqit, Partia Liberale Serbe (SLS), është mësuar me sulme të tilla.

E, Zhiviq, që drejton njëren ndër dikasteret më të rëndësishme në vend, tregon se i është përveshur punës.

Por, sipas saj, ka pasur disa mangësi gjatë kohës së Nenad Rikallos, pasi ish-ministri nuk ishte aktiv në punë, raporton T7, përcjell albinfo.ch.

Zhiviq ka folur edhe për paraqitjen e saj të parë para Komisionit për Bujqësi, me këtë rast ka thënë se do të jetë më transparente në mbledhjet e ardhshme.

Zhiviq është gruaja e dytë ministre në Qeverinë Haradinaj. Por, ajo thotë se kuota e përfaqësimit të grave nuk është e mjaftueshme.

Si shembull, Zhiviq përmend faktin që në pozita të kryetares së komunave, aktualisht nuk është asnjë grua.