Luan Krasniqi, “Kampion Botëror i Boksit për Bamirësi”

Pas luftës që ka zgjatur tetë raunde, ai ka mundur me pikë sfiduesin e tij, Uwe Hück

Luan Krasniqi, pas shumë luftërave të fituara gjatë karrierës së tij të gjatë aktive në ring, ka fituar mbrëmë, të shtunën, edhe luftën e tij të radhës po në ring, por kësaj here me qëllime bamirësie. Ai është stolisur me brezin e Kampionit Botëror për Bamirësi, një titull i ri, jozyrtar, pasi ka mundur në ring sfiduesin e tij, ish kampionin evropian në kickbox, Uwe Hück, 51 vjeçar. Ky i fundit i ka kërkuar Luanit revansh.

Të dy seniorët janë përgatitur një kohë të gjatë për këtë spektakël, duke i vënë vetes si qëllim grumbullimin e sam ë shumë parave për dy projekte humanitare: Luan Krasniqi në fshatrat e fëmijëve jetimë SOS (veç tjerash edhe në Kosovë) ndërsa Uwe Hück për një fondacion arsimor.

Meqin e zhvilluar të shtunën mbrëma në MHP-Arena në Ludwigsburg e ka fituar me pikë Luan Krasniqi. Janë zhvilluar tetë raunde dhe meqi ka përfunduar në orën 0.30 të pas mesnatës.

Në sallën e mbushur kanë qenë të pranishëm një numër i madh i personaliteteve prominente nga bota e sportit dhe shoubiznesit, duke i dhënë mbrëmjes një shkëlqim të veçantë,