Shkurt.ch

Renditja e qyteteve: Kush ka më shumë banorë në Zvicër

E enjte, 28 Mars 2019 - 10:00 albinfo.ch

Keystone

Në Zvicër janë 2 352 komuna, derisa 148 qytete kanë më shumë se 10 mijë banorë, sipas statistikave. Në Zvicër raportohet se ka më shumë se 8 milionë banorë.

Edhe pse duket e vogël, Zvicra ka shumë vende të mira për të ofruar, derisa ka miliona turistë brenda vitit, shkruan albinfo.ch.

Qyteti më i madh, sa i përket banorëve është Cyrihu me 396 mijë banorë. Cyrihu është dukshëm në vendin e parë, derisa në vendin e dytë është Gjeneva me 194 mijë banorë, duke u pasuar nga Bazeli me 168 mijë.

Kryeqyteti Berna është në vendin e katërt me 140 mijë, derisa në vendin e pestë është Lozana me 135 mijë, shkruan tutje albinfo.ch.

Në top-10 janë edhe Winterthuri, Lucerni, St. Galleni, Lugano dhe Biel/Bienne.