Futboll
Forbes: Kosova mund të shokojë disa emra të mëdhenj
Forbes ka shkruar një artikull për pesë gjërat që duhet shikuar këtë fundjavë në kuadër të kualifikimeve për Euro 2020.
E në mesin e pesë gjërave është edhe Kosova, për të cilën shkruan se ajo mund të shokojë emra të mëdhenj.
“Në fund të Grupit A është Kosova, që po debuton në kualifikimet për Evropian. Por, vetëm në një mënyrë, pasi dikush që ka shprehur interesim për Kosovën e di se ata kanë lënë shenjën e tyre në futbollin evropian që disa kohë, duke mbrojtur ngjyrat e kombeve të tjera. Në Evropianin e fundit, në ndeshjen ndërmjet Zvicrës e Shqipërisë më shumë se 10 kosovarë ishin të përfshirë në atë ndeshje, duke përfshirë këtu yjet si Xherdan Shaqiri i Liverpoolit dhe Granit Xhaka i Arsenalit. Pedigreja e tyre si komb i futbollit tashmë është i njohur”, shkruan Forbes, transmeton Koha.net, përcjell albinfo.ch.
Më pas Forbes shkruan se Kosova ishte pranuar në UEFA më 2016 dhe pati vështirësi gjatë kualifikimeve për Botëror, por shkëlqeu në Ligën e Kombeve, duke fituar grupin, përkundër që hyri në vazon e fundit.
“Kjo nënkupton se ka siguruar ‘play-offin’ pa marrë parasysh se çfarë bën në Grupin A. Presioni është hequr. Republika Çeke, Bullgaria dhe Mali i Zi janë një hap më lart se kundërshtarët që kishte Kosova në Ligën e Kombeve, por jo aq larg sa ta frikësojnë atë. Në fakt, është krejt e kundërta ‘Dardanët’ do të shijojnë mundësinë që të shkaktojnë shok”, thuhet më tutje në artikull. “Ylli i skuadrës, anësori i Werder Bremenit, Milot Rashica, ka shënuar 7 gola në 9 paraqitje në Bundesligë më 2019 dhe do të synojë atë formë ta sjellë edhe në ekipin kombëtar”.
Sipas Forbes, Bullgaria me ankth do të udhëtojë për në Prishtinë të hënën mbrëma.
Të ngjashme
Të tjera nga Futboll
E-Diaspora
-
Lidhja e Mjekëve Shqiptarë në Zvicër ngushëllon familjen Dalipi "Komuniteti mjekësor në Zvicër humbi sot papritmas kolegun e nderuar, doajenin e psikiatrisë dhe psikoterapisë Dr.med....
-
Ndahet nga jeta psikiatri, Dr. med Sami Dalipi
-
Shënohet Dita ndërkombëtare e remitencave, Kosova ka rritje ndër vite
-
Komuniteti Musliman Shqiptar në Zvicër uron festën e Kurban-Bajramit
-
Si e sheh Zvicra Kosovën në 25 vjetorin e çlirimit
Jeta në Austri
-
Kur mund të kërkoj rimbursim për shpenzimet mjekësore në Austri? Nëse vizitoni një ‘mjek me zgjedhje’ në Austri ose shkoni për disa procedura dhe ekzaminime, mund...
-
Austriakët, të shqetësuar pas rritjes së FPO ekstremiste në zgjedhjet evropiane
-
A ka Austria probleme me drogën?
-
8 gjërat që duhet të dini përpara se të filloni një punë në zyre në Austri
-
Gjithçka që duhet të dini për marrjen me qira të një makine në Vjenë