CH-Ballkani
Pse shqiptarët nuk janë të lumtur
Duke parë nën-indikatorët ajo që vihet re qartë është se është pikërisht korrupsioni ajo që i bën shqiptarët të palumtur
Pavarësisht se ka fituar pesë pozicione në Raportin Global të Lumturisë 2019, i cili publikohet çdo vit nga Gallup, Shqipëria vazhdon të mbetet më i palumturi në rajon si dhe një prej dy vendeve më të palumtura në Evropë. Më keq se Shqipëria duket të jetë vetëm Ukraina, një vend që ka kaluar dhe po kalon një krizë të thellë, rrjedhojë e konfliktit ushtarak me Rusinë që zgjat prej vitesh tanimë.
Kështu, në indeksin e këtij viti, Shqipëria renditet e 107-ta në botë, ndër 156 vende, ndërkohë që një vit më parë renditej e 112-ta në botë. Siç duket qartë, Shqipëria është tërësisht e veçuar nga vendet evropiane dhe vendet e zhvilluara, transmeton ‘Scan’.
Të dhënat tregojnë se, gjithsesi, Shqipëria duket të jetë një vend më i lumtur se një vit më parë, pasi ka pësuar një rritje të pikëzimit të përgjithshëm, përcjell albinfo.ch.
Kosova ndërkohë figuron ndër vendet më të lumtura në botë si dhe ndër vendet me përmirësimin më të lartë, nga vend i 66-të në të 46-tin në botë. Duke parë nën-indikatorët ajo që vihet re qartë është se është pikërisht korrupsioni ajo që i bën shqiptarët të palumtur.
Ky nën-indikator na rendit në vendin e 134-tët në botë ndër 156 shtete, pra thuajse në fund të tabelës. Bujaria dhe jetëgjatësia janë dy prej aspekteve që i bëjnë shqiptarët të jenë të lumtur. Bujaria duket të jetë një aspekt mjaft i rëndësishëm i të qenit të lumtur. Raporti thotë se 18.5% e shqiptarëve të anketuar kanë dhënë para për bamirësi në muajin e fundit, ndërkohë që mesatarja globale fiksohet në 29%. Në nivel global, Finlanda vijon të jetë vendi më i lumtur në botë.
Të ngjashme
Të tjera nga CH-Ballkani
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë