Danimarka synon fitore ndaj Kosovës

(AP Photo/Visar Kryeziu, FILE)

Përzgjedhësi i përfaqësueses së Danimarkës, Age Hareide dhe ylli Christian Eriksen kanë thënë se synimi kryesor i tyre është fitorja. 

Hareide për mediumet në Danimarkë ka theksuar se ndeshja kundër Kosovës do të jetë stërvitje e mirë para ndeshjes kualifikuese kundër Zvicrës për “Euro 2020”.

 “Kemi zgjedhur kundërshtar më poshtë të ranguar dhe po ashtu, kemi gjashtë zëvendësime. Pra, do të jetë një stërvitje e mirë për ne”, ka thënë Hareide. 

Edhe ylli i Danimarkës, Christian Ekiksen, ka thënë se synojnë fitore për ta nisur mbarë vitin 2019, përcjell albinfo.ch.

“Kundër Kosovës mund të ketë më pak rrezik, por natyrisht që nuk duam ta humbim atë ndeshje dhe ne do të donim të fitojmë, për ta pasur një përshtypje më të mirë dhe një fillim të mbarë të vitit 2019”, është shprehur Eriksen. 

Ndeshja Kosovë – Danimarkë luhet të enjten, nga ora 19:00, në stadiumin “Fadil Vokrri” në Prishtinë.