Shkurt.ch
Ushtria zvicerane ka realizuar 5.4 milionë ditë shërbimi
Zvogëlimi ka ardhur para së gjithash si rezultat i reduktimit të shërbimit të paqeruajtjes, kryesisht për shkak të uljes së numrit të ushtarëve në misionin e Swisscoy-t në Kosovë
Gjatë vitit 2018, pjesëtarët e Ushtrisë së Zvicrës marrë së bashku kanë realizuar 5.4 milionë ditë shërbimi (pune), ose rreth 170.000 ditë më pak se në vitin 2017, njofton Ministria e Mbrojtjes e Zvicrës (VBS).
Zvogëlimi ka ardhur para së gjithash si rezultat i reduktimit të shërbimit të paqeruajtjes, kryesisht për shkak të uljes së numrit të ushtarëve në misionin e Swisscoy-t në Kosovë. Po ashtu edhe anulimi i Kampionatit Botëror të Skitarisë në St.Moritz në vitin 2017, ku ishte planifikuar që ushtria të ofronte shërbimet mbështetëse, ka ndikuar në rënien e numrit të ditëve të shërbimit, transmeton albinfo.ch.
Shpenzimet për trupat (pagesa, ushqimi, strehimi, transporti, shërbimet, zhdëmtimet për tokë dhe gjësende), kanë kushtuar gjithsej 180.7 milionë franga ose 14.4 milionë më pak se një vit më parë.
Për operacionet plotësuese, rezervë, gjatë vitit të kaluar janë realizuar gjithsej 64388 ditë shërbimi, që është më shumë se një vit më parë, kur kishin qenë 63403 të tilla, përcjell albinfo.ch. Vëllimi i shërbimeve në shërbimet paqeruajtëse jashtë vendit, me 97714 ditë shërbimi ka qenë diçka më i ulët se një vit më parë, kur ai arrinte në 114.078.
Për ndihmat ushtarake në raste katastrofash, gjatë vitit 2018 janë shpenzuar 93 ditë shërbimi, që është dukshëm më pak se një vit më parë, kur kishin qenë 464 të tilla.
Për shërbime mbështetëse mbi bazë të “Urdhëresës për Mbështetjen e Veprimtarive Civile ose të Jashtëzakonshme nga Mjetet Ushtarake”, janë shpenzuar 22,331 (vitin e kaluar: 33,442) ditë shërbimi.
Në kuadrin e shërbimit policor ajror, Forcat Ajrore Zvicerane kanë bërë 16 fluturime ose intervenime të quajtura “Hot Missions”. Gjatë vitit 2017 ishin realizuar 36 misione të tilla. Veç kësaj, në vitin 2018 janë realizuar 245 “Live Missions” (kontrolle të aeroplanëve). Një vit më parë kishin qenë 292 të tilla.
E-Diaspora
-
ASK: Mbi 1.4 milionë qytetarë të regjistruar, mbi 400 mijë nga diaspora Procesi i regjistrimit të popullsisë në Kosovë pritet të përmbyllet më 17 maj. Sipas të dhënave...
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë