Kylie Jenner, 21-vjeçare dhe miliardere

Anëtarja më e vogël e familjes Kardashian, vlerësohet se e ngriti vetë të gjithë pasurinë e saj.

Kylie Jenner është shpallur miliarderja më e vogël në botë në moshën 21-vjeçare, përcjell albinfo.ch.

Sipas listës së miliarderëve të Forbes, Kylie po bën pasurinë nga biznesi i saj më i shitur i kozmetikës. Ylli i televizioneve amerikane themeloi dhe është pronarja e Kylie Cosmetics, biznesi trevjeçar që arriti rreth 360 milionë dollarë shitje vitin e kaluar.

Kylie ia kaloi edhe themeluesit të Facebook,  Mark Zuckerberg i cili u bë miliarder në moshën 23 vjeçare.

“Nuk prisja asgjë. Nuk e parashikova këtë të ardhme. Por ndihem vërtetë mirë”, deklaroi Jenner për Forbes.