“Roche” e blen një kompani amerikane të barnave

Gjiganti farmaceutik zviceran “Roche” ka njoftuar se ka arritur një marrëveshje prej 4.3 miliardë dollarësh për të blerë Spark Therapeutics, një grup amerikan i specializuar në zhvillimin e barnave të terapisë gjenetike.

“Roche” tha të hënën se marrëveshja u miratua nga bordet e të dy kompanive, duke ofruar 114.50 dollarë për aksion.

E themeluar në vitin 2013, Spark Therapeutics specializohet në terapitë gjenetike, një segment të ri dhe në rritje të mjekësisë, për sëmundjet gjenetike, siç janë verbëria, hemofilia dhe sëmundjet neurodegjenerative.

Luxturna, trajtimi i saj për një çrregullim të trashëguar të retinës që mund të shkaktojë verbëri, ishte terapia e parë e gjeneve që duhej të miratohej nga autoritetet shëndetësore amerikane në 2017, tha “Roche”.

Trajtimi u miratua edhe vitin e kaluar nga Bashkimi Evropian.

“Si e vetmja kompani bioteknologjike që ka komercializuar me sukses një terapi gjenetike për një sëmundje gjenetike në SHBA, ne kemi ndërtuar kompetenca të pakrahasueshme në zbulimin, zhvillimin dhe shpërndarjen e ilaçeve gjenetike”, citohet të ketë thënë CEO i Spark Therapeutics Jeffrey D. Marrazzo, përcjell albinfo.ch.

“Por nevojat e pacientëve dhe familjeve që jetojnë me sëmundje gjenetike janë të menjëhershme dhe nevojat e tyre janë të mëdha.