Policia amerikane masakron të riun që po flinte në veturë

Një qytetar amerikan me ngjyrë është vrarë nga policia amerikane, të cilët ia kanë mbushur trupin me plumba. Ngjarja ka ndodhur përderisa ai po zgjohej nga gjumi që po e bënte mbi timonin e veturës së tij në Kaliforni, informon Albinfo.ch

Muajin e kaluar, i riu me ngjyrë po flinte në parkingun e një restoranti të ushqimit të shpejtë në Kaliforninë e Veriut dhe nga policia u qëllua të paktën me 25 plumba, ka raportuar të mërkurën avokati i familjes së tij.

Sipas Melissa Nold, gjithsej gjashtë oficerë policie hapën zjarr mbi Willie McCoy, 20-vjeçar, më 6 shkurt, në qytetin Vallejo, pranë San Franciskos, duke e qëlluar në fytyrë, fyt, gjoks, vesh, krahë dhe shpatulla.

“Është e tepërt. Asgjë nuk justifikon një nivel të tillë të përdorimit të forcës dhe nuk ka asnjë arsye pse njerëzit duhet të qëllohen kaq shumë herë”, tha ajo për AFP, informon Albinfo.ch.

“Është pothuajse sikurse të kenë qenë në fushën e qitjes”, tha ajo. Si një reper aspirant, McCoy sapo kishte përfunduar regjistrimin me një anëtar të familjes, kur vonë në mbrëmje vendosi të vizitonte një restorant meksikan të ushqimit të shpejtë. Sipas policisë së Vallejos, stafi i restorantit kishte raportuar se një makinë me motor të ndezur po qëndronte e palëvizshme në parking, me një njeri që po flinte mbi timon.

Policia tha se në veturë kanë vërejtur një pistoletë. Sipas tyre, Z. McCoy u zgjua kur ata e vlerësuan situatën, duke bërë një lëvizje drejt armës së tij dhe duke injoruar urdhrat e tyre për të ngritur “duart lart”. “Duke u frikësuar për sigurinë e tyre, gjashtë oficerë përdorën armët e tyre të shërbimit”, tha policia e Vallejos në një deklaratë, informon Albinfo.ch.

Sipas autoriteteve, arma e gjetur në makinë ishte e karikuar dhe e raportuar si e vjedhur në Oregon. Zonja Nold, e cila edhe vetë i përkiste policisë, ka thënë se nëse policia me të vërtetë është ndjerë e kërcënuar, ajo është dashur t`i fshehë prapa veturat dhe të përdor sirenë ose një megafon, për ta zgjuar të riun.

20-year-old man Willie McCoy was killed by police while he was asleep in his car pic.twitter.com/KGkjEk1cvr

— NowThis (@nowthisnews) February 15, 2019

---