Interesim i madh për ekspozitën „Fëmijët në luftën e Kosovës”

Amabasadori Wolfgang Ischinger, atëbotë sekretar shteti në Ministrinë e Jashtme të Gjermanisë në këtë ekspozitë sheh një simbol të aftësisë për tu pajtuar

Në hapjen e ekspozitës së fotografive “Fëmijët në luftën e Kosovës”, para rreth 80 mysafirëve foli patroni i kësaj ekspozite, ambasadori i Republikës së Kosovës në Gjermani, Skënder Xhakaliu. Ai e vlerësoi këtë ekspozitë si një kontribut të rëndësishëm përkujtuese në drejtim të pajtimit dhe të një të ardhmeje të përbashkët evropiane të kosovarëve dhe serbëve.

Në veçanti ambasadori Xhakaliu në emrin e qeverisë kosovare ka falënderuar iniciatorin dhe autorin e ekspozitës, nxënësin 17 vjeçar Adrian Weickart për angazhimin e tij që të marrë në fokus viktimat më të rrezikuara dhe më të pafajshme të luftës, fëmijët.

Në qendër të ekspozitës është një fotografi në të cilën tre fëmijë mbajnë në duar një granatë të madhe të zbrazët me ngjyrë vezulluese ari, ashtu siç i mbajnë, ashtu siç mbajnë te ne fëmijët një qese me sheqerka. Adrian Weickart i ka gjetur ata tre fëmijë dhe ka folur me ata që sot janë bërë tashmë burra. Në solemnitetin e hapjes është dhënë edhe një pjesë nga biseda e tij me ta.

Ekspozita qe shfaqur edhe në qershor të këtij viti në Berlin. Amabasadori Wolfgang Ischinger, atëbotë sekretar shteti në Ministrinë e Jashtme të Gjermanisë  dhe kryesues i tashëm i konferencës së Munihut për sigurinë, në ekspozitën e fotografive të Weickartit sheh një simbol të aftësisë për tu pajtuar. Ministrja federale e Evropës Marion Walsmann u shpreh e impresionuar sidomos me faktin se ky projekt është realizuar nga një i ri.

Ndërsa në emër të ministres së shtetit në Ministrinë e Punëve të jashtme Cornelia Pieper ka përshëndetur Uwe Barth kryetar i Grupit parlamentar të FDP-së në Parlamentin Federal. Ai është shprehur i kënaqur që në kryeqytetin e landit Thüringen hapet një ekspozitë e tillë, e cila ngjall interesim sidomos te të rinjtë dhe nxënësit.