Del nga binarët një tren në Zvicër

Një tren Intercity nga "Deutsche Bahn" ka dal nga binarët natën e së dielës në Bazel. Për fat të mirë, askush nuk është lënduar, kanë njoftuar nga hekurudhat zvicerane (SBB), informon Albinfo.ch. Rreth 240 udhëtarë janë evakuuar

Treni ICE 373 që po vinte nga Berlini ka qenë duke qarkulluar në drejtim të Interlaken Ost (BE), tha një zëdhënës i DB. Me këtë rast, lokomotiva dhe një vagon dolën nga binarët, tha ai.

Aksidenti ndodhi rreth orës 20:50 ndërmjet stacionit Basel-Bad që shërben nevojat e Gjermanisë dhe stacionin të qytetit, informon albinfo.ch. Relacioni pastja është mbyllur për trafik në të dy drejtimet.

Zjarrfikësit zviceranë kanë evakuuar me sukses rreth 240 pasagjerë, shtoi zëdhënësi i DB. Operacioni përfundoi rreth orës 22:45. Puna e pastrimit të binarëve është zhvilluar gjatë natës.

Kohëzgjatja e ndërprerjes së trafikut midis Zvicrës dhe Gjermanisë nuk është e njohur, informon albinfo.ch. Disa udhëtime trenash janë anuluar.

---