FIMM kundër ndalimit të pishinave për azilkërkuesit

Ndalimi i pishinave për azilkërkuesit është “masë frikësuese” për azilkërkuesit, thotë FIMM

Forumi për Integrimin e Migrantëve – FIMM,  në Zvicër, në një reagim adresuar medieve ka shprehur shqetësimin me vendimin e autoriteteve në Bremgarten, të cilat në konsultim me Zyrën Federale për Migracion (BFM) kanë vendosur të kufizojnë lëvizjen e azilkërkuesve në zona të caktuara të qytetit.

Ky ndalim, për të cilin nuk ka bazë ligjore, është aplikuar si masë  “parandaluese” për mbrojtjen e popullsisë në Bremgarten.

FIMM në Zvicër kujton autoritetet në Bremgarten si dhe BFM, se azilkërkuesit janë njerëz që kanë ikur nga vendet e tyre për shkak se jeta e tyre ka qenë në rrezik. Këta njerëz nuk janë kërcënim, por kanë nevojë për mbrojtje dhe asistencë.

Kufizimi i lëvizjes për të gjithë banorët e qendrës së refugjatëve në Bremgarten është shkelje e traditës humanitare të Zvicrës. FIMM thotë se është i nevojshëm një debat objektiv mbi sistemin e azilit në Zvicër dhe i bën thirrje Zyrës Federale për Migracion (BFM) që të punojë kundër nxitjes së frikës.

Qyteti Bremgarten ka një popullsi prej rreth 6500 banorësh. Qendra e saj e re e imigracionit mund të strehojë deri në 150 njerëz, por tani për tani atje janë vetëm disa dhjetra. Ata lejohen të largohen nga qendra nga ora 9 deri në orën 17 çdo ditë.

Ndryshe më pak se 50 mijë njerëz kërkojnë aktualisht strehim në Zvicër.