Miratohet statuti i ri për Trepçën

Qeveria e Kosovës në mbledhjen e së premtes ka miratuar draftin e ri të statutit të Trepçës, draft të cilin ditë më parë Komisioni për Zhvillim Ekonomik ia pati kthyer Qeverisë. 

Ministri i Zhvillimit Ekonomik, Valdrin Lluka, tha se statuti i Trepçës i plotëson të gjitha kriteret, si dhe ka përkrahjen e të gjitha palëve. Pas Qeverisë, edhe Komisioni për Zhvillim Ekonomik e ka votuar draft-statutin për Trepçën.

Megjithatë, ka pasur shumë ankesa, sidomos nga deputetët opozitarë që janë pjesë e këtij komisioni – LDK-së dhe Vetëvendosjes. 

Ata, përfshirë edhe ministrin Valdrin Lluka, thanë se ka gabime teknike, logjike dhe ligjore. Por ministri ka thënë se ende  ka vend për ndryshime ligjore. 

Pajtueshmëri për votimin është arritur edhe më drejtuesit e Bordit dhe Sindikatës së Trepçës. Lluka ka thënë se votimi i këtij draft-statuti është lajm i mirë, pasi që në këtë drejtim kanë qenë të vonuar.