Xhaka, i katërti më i shtrenjti tek Arsenali

Xhaka vlerësohet 62.9 milionë euro sipas “CIES Football”, që merret me analizën dhe vlerën e futbollistëve

Futbollisti shqiptar, Granit Xhaka është njëri nga lojtarët kryesorë tek Arsenali.

Xhaka po hyn në sezonin e tretë në skuadrën e Arsenalit, derisa tashmë ka marrë edhe shiritin e kapitenit.

Përveçse rolit si titullar dhe si një lider i mesfushës, 26-vjeçari është vlerësuar së fundmi dhe nga “CIES Football”, që merret me analizën dhe vlerën e futbollistëve.

Sipas “CIES Football”, Granit Xhaka është lojtari i katërt më i shtrenjtë në skuadrën e Arsenalit, duke lënë pas lojtarë si Aaron Ramsey apo Mesut Ozil, përcjell albinfo.ch.

Xhaka vlerësohet 62.9 milionë euro sipas studimeve, ndërsa më shumë se ai vlerësohen vetëm Torreira, Laqazette dhe Aubumeyang.

Uruguaiani është në vendin e tretë me vlerë prej 74.3 milionë eurosh. 300 mijë euro më shumë, pra 74.6 milionë, vlerësohet sulmuesi francez Laqazette, ndërsa më i shtrenjti është Aubumeyang me plot 95.4 milionë euro.

---