Puna, gjithnjë e paguar më pak në raport me kapitalin

Ndarja e pasurisë gjithnjë e më tepër po orientohet drejt kapitalit në dëm të punës në vendet e zhvilluara midis periudhës 1994-2015, përveç Britanisë së Madhe dhe Francës, sipas një studimi të qeverisë franceze.

”Kjo prirje shpjegohet nga njëra anë me rritjen e volumit në kapital (progres teknik, automatizim) dhe, nga ana tjetër, me një rritje të frenuar e pagave reale”, sipas raportit të Drejtorisë së Përgjithshme të Thesarit të Ministrisë franceze të Ekonomisë, shkruan atsh, përcjell albinfo.ch.

Ecuritë e konstatuara janë totalisht të kundërta mes Francës, ku pjesa e vlerës së shtuar për sa i takon punës u rrit në 21 vjet me 0,6 pikë përqindjeje dhe Gjermanisë, ku u konstatua një ulje me 2,9 pikë.

Pjesa e kapitalit u rrit në mënyrë të anasjelltë nga 1,6 pikë në Gjermani, por ra 0, 4 pikë në Francë.

Pjesa e taksimit indirekt ndryshoi gjithashtu në drejtime të kundërta midis dy ekonomive më të mëdha në Eurozonë, pasi shënoi një rënie me 0,2 pikë në Francë dhe u rrit me 1,3 pikë në Gjermani.