Lifestyle
Filmi kosovar në “Në mes” përfaqëson Kosovën në Berlinale
Festivali Ndërkombëtar i Filmit Berlinale njoftoi për pjesëmarrjen e filmit “NË MES” të autorit Samir Karahoda në garën ndërkombëtare të filmave të shkurtë “Berlinale Shorts”.
Kjo është hera e parë që një film nga Kosova pranohet në garën e Berlinales, që njihet si një nga festivalet më prestigjioze në botë.
Filmi trajton dy tema paralelisht; fenomenin e ndërtimit të shtëpive të njëjta dhe migrimin, i cili veçmas theksohet nëpër këto familje.
Nëpërmjet personazheve portretizon marrëdhënien dhe solidaritetin në mes vëllezërve, sakrificën dhe vendosmërinë e prindërve për të mbajtur harmoninë brenda familjes, kuptimin dhe rëndësinë e shtëpisë dhe shpresës në mes kthimit apo jo në vendlindje. Autori i filmit, Samir Karahoda, është shprehur i lumtur që filmi i tij debutues si regjisor është vlerësuar nga ky festival prestigjioz.
“Nuk e di si ta përshkruaj ndjenjën dhe gëzimin për vlerësimin e filmit nga një festival siç është Berlinalja, sidomos kur bëhet fjalë për film debutues. Përzemërsisht dua të falënderoj secilin protagonist pa të cilët ky film nuk do të ishte i mundur si dhe ekipin, i cili u përkushtua dhe kontribuoi me zemër në formimin e kësaj vepre”, theksoi autori Karahoda, përcjell albinfo.ch.
Filmi është prodhim autentik i Kosovës, si me mbështetje, ashtu edhe në produksion. Producenti i filmit, Eroll Bilibani, theksoi që ky fakt edhe një herë dëshmon për kapacitetet kreative të kinematografisë kosovare. Premiera e filmit në Berlinale do të jetë më 12 Shkurt.
Të ngjashme
Të tjera nga Lifestyle
E-Diaspora
-
Muhamed Mustafi, ylli shqiptar në St. Gallen Te skuadra zvicerane St. Gallen po rritet një talent i ri shqiptar, i cili aktualisht është...
-
Shqipëria, pjesë e paradës së karnavaleve në Berlin
-
Gazmend Zajmi, një ndër kolosët e pavarësisë
-
“Më të kërkuarat janë fanellat e Zvicrës dhe ato të Shqipërisë”
-
Prokuroria kërkon 18 vjet burgim për autorin e vrasjes së Shqiponja Isufit
Jeta në Austri
-
Si po e ndryshon motin në Austri ngrohja globale? Ngjarjet ekstreme të motit kanë shënuar pothuajse çdo muaj të vitit 2023 në Austri. Ekspertët thonë...
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?