BMW dhe Audi, me shitje rekorde

BMW ka shitur gjatë gjashtëmujorit të parë të këtij viti 955 mijë automobila, ndërsa Audi 780 mijë sish, ose reth 6% më shumë se 1 vit më parë

Prodhuesit gjermanë të automobilave Audi dhe BMW, ndryshe nga prodhuesit tjerë, kanë realizuar shitje rekorde gjatë vitit që shkoi. Para së gjithash falë bizneseve të suksesshme në Amerikë he në Azi, dy gjigantët kanë shitur vetura në shifra çfarë nuk i kanë njohur më parë.

Kështu, BMW ka shitur gjatë gjashtëmujorit të parë të këtij viti  955 mijë automobila, që shënon një rritje prej 6 për qind krahasuar me një vit më parë ndërsa Audi ka arritur për të njëjtën periudhë kohore në shifrën 780 mijë vetura të shitura ose 6.4% më shumë.

Por, ndryshe nga suksesi në tregjet amerikane dhe aziatike, tregu në Evropë i BMW-së ka shënuar një vendnumërim në krahasim me 6 mujorin e vitit të kaluar, kur ishin shitur gjithsej 437 mijë makina.

Ndërsa Audi ka ndjerë veçanërisht shumë krizën e rënies së interesimit të tregut evropian gjatë këtij gjashtëmujori. Në Francë janë shitur 8.6% dhe në Itali 9.8% më pak vetura Audi.