Me çka ju bëjnë nervoz fqinjët tuaj?

Më shumë se çdo i dyti zviceran ka diçka për t’u ankuar për fqinjët. Këtë e tregon një studim i ri nga Immowelt.ch. Rreth 58 për qind e zviceranëve janë të zemëruar në fqinjët e tyre.

Siç raporton 20min, më shumë se 23 për qind e të gjithë të anketuarve janë të mërzitur nga thirrjet telefonike me zë të lartë ose duke u grindur me zë, shkruan albinfo.ch.

20 për qind janë të shqetësuar nga tymi i cigareve, i cili vjen nga fqinjët në shtëpinë e tyre. Kjo është ndoshta rezultati i pirjes së duhanit në ballkon.

16 për qind janë të shqetësuar nga ulërima e qenve në shtëpi.

10 për qind kanë një problem me fqinjët gjatës natës, me punët e shtëpive që i bëjnë në orët e vona.

7 për qind janë të inatosur nga zhurma e seksit.

6 për qind është thirrja e fqinjëve në zile për të kërkuar gjësende të ndryshme.

3 për qind u pengojnë në korridor apo shkallë karrocat e parkuara të fëmijëve.

42 për qind janë të lumtur!

Megjithëse çdo të dytit person i pëlqen të ankohet për një ose tjetër arsye nga fqinjët: 42 për qind e 502 të anketuarve thanë se nuk kanë asgjë për t’u ankuar për fqinjët tyre.

Sa më shumë para që fitojnë të anketuarit, aq më pak probleme kanë ata me fqinjët e tyre. Në rastin e familjeve me të ardhura të ulëta, nga ana tjetër, rreth dy të tretat e të anketuarve ndjehen të shqetësuar nga fqinjët.