“Ford” shkurton mijëra vende pune në Evropë

Prodhuesi amerikan i makinave “Ford” do të shkurtojë mijëra vende pune, do të ndalojë prodhimin e disa modeleve dhe do të mbyllë një fabrikë prodhimi në Evropë, përpara se të fillojë një bashkëpunim të mundshëm me kompaninë kryesore të tregut “Volkswagen”, përcjell albinfo.ch.

“Ford” njoftoi për këto ndryshime, duke thënë se ata janë pjesë e ristrukturimit të tyre global të kompanisë, që do të kushtojë 11 miliardë dollarë. Ata gjithashtu thanë se do të ndalonin prodhimin e modeleve jofitimprurëse dhe do të ndryshonin strategjinë e tyre në tregje të vështira rajonale, si Rusia.

“Ne marrim hapa vendimesh për të transformuar biznesin tonë në Evropë”, tha Stephen Armstrong, presidenti i “Fordit” për Evropën, Lindjen e Mesme dhe Afrikën.

Kompania njoftoi në korrik se do të shpenzojë 11 miliard dollarë në tre deri në pesë vjetët e ardhshme për të ristrukturuar biznesin e saj në mbarë botën.

Megjithëse “Ford” është duke fituar fitime të mëdha në SHBA, kompania mbetet prapa konkurrentëve të saj në Evropë dhe në Amerikën Latine. Në nëntë muajt e parë të vitit 2018, «Ford» humbi 199 milionë dollarë në Evropë, ndryshe nga e njëjta periudhë një vit më parë, kur kompania fitoi të ardhura prej 278 milionë dollarësh.