“The Sun” pyet: Kush është Arijanet Muriqi dhe cilin shtet përfaqëson?

Ai ka lindur në Cyrih të Zvicrës nga prindër shqiptarë nga Mali i Zi

Aro Muriq ishte titulluar edhe në ndeshjen gjysmëfinale për Manchester Cityn kundër Burton Albion në Kupën Carabao, ku City fitoi 9:0. Ai ka qenë titullar në këtë Kupë, që nga fillimi.

Aro (shkurtesa për Arijanetin) ka tre nënshtetësi të ndryshe. Ai ka lindur në Cyrih të Zvicrës nga prindër shqiptarë nga Mali i Zi, shkruan “The Sun”.

Portieri ka luajtur dy ndeshje për Malin e Zi U-21, dhe në të dyja ndeshjet ishte përjashtuar nga loja, madje njërën duke goditur kundërshtarin me kokë, përcjell albinfo.ch.

Pasi Mali i Zi nuk e ftoi në ekipin e parë, ai kaloi te Kosova. Muriqi ka bërë një paraqitje me Kosovën dhe pritet të luajë ndaj Anglisë në kualifikimet për “Euro 2020”, përcjell albinfo.ch.

Muriqi nisi futbollin te skuadra zvicerane FC Zurich, përpara se të kalonte te rivalët e qytetit, Grasshoppers.

Në korrik 2017, ai nënshkroi një kontratë trevjeçare me Manchester Cityn dhe u dërgua menjëherë në huazim tek NAC Breda, ku mbrojti në vetëm një ndeshje.

Sidoqoftë, Muriqi e ka impresionuar Pep Guardiolan, duke tejkaluar Daniel Grimshaw, si portierin e dytë të klubit.

---