Demiri lë Thunin për St. Gallenin

Lojtari 27 vjeçar, ka nënshkruar kontratë dyvjeçare me skuadrën nga Zvicra lindore

Futbollisti shqiptar Muhamed Demiri, i cili prej katër vitesh ka luajtur  për klubin e superligës, FC Thun, do të kalojë në St. Gallen.

Lojtari 27 vjeçar, ka nënshkruar kontratë dyvjeçare me skuadrën nga Zvicra lindore.

Demiri, që mban shtetësinë e Zvicrës dhe të Maqedonisë, ka luajtur deri më tash 18 ndeshje për përfaqësuesen e Maqedonisë.

Gjatë sezonit futbollistik që përfundoi, Muhamed Demiri për Thunin ka luajtur në 28 ndeshje dhe ka shënuar 2 gola, shkruan “Aargauer Zeitung”.