Si e sheh BE-ja letrën nga Trump dërguar Kosovës e Serbisë

Letrën e presidentit të SHBA-së, Donald Trump, për dialogun ndërmjet Kosovës e Serbisë, Komisioni Evropian e sheh si përkrahje të ndërmjetësimit të Bashkimit Evropian në këtë dialog.

Kështu ka thënë sot zëdhënësja e Përfaqësueses së Larë për Politikët të Jashtme e të Sigurisë, Maja Kocijançiç.

“Siç e dini, po vazhdon puna në arritjen e marrëveshjes detyruese juridike për normalizimin e gjithanshëm të marrëdhënieve”, citon FoNet të ketë thënë Kocijançiç.

Ajo ka shtuar se kjo marrëveshje duhet të sjellë zgjidhje afatgjatë, shkruan Koha.net, përcjell albinfo.ch.

“Zgjidhja duhet të jetë e qëndrueshme dhe reale, e bazuar në të drejtën ndërkombëtare dhe në përputhje me ligjet e BE-së si dhe e pranueshme për vendet e Bashkimit Evropian”, ka thënë ajo.

“Letrën e Donald Trumpit e shohim si sinjal përkrahjeje dhe inkurajimi edhe për Beogradin e edhe për Prishtinën për vazhdimin e dialogut”, ka përfunduar Kocijançiç.