“Plazma” do t’u mungojë kosovarëve

Tarifat ndëshkuese për mallrat nga Serbia janë shumë të popullarizuara në Kosovë. Perspektiva për të hequr dorë nga biskotat e dashura të Plazmës, ka shkaktuar shetësim, bile edhe te patriotët kosovarë.

Kryeministri i Kosovës, Ramush Haradinaj, kohët e fundit publikisht ka deklaruar se importi i mallrave deri në 200 euro për kokë banori, mbetet pa taksa.

Çfarë është në Zvicër pija ovomaltine, në Kosovë është keksi “Plazma”. Një lloj keksi i pasuruar me vitamina dhe i ëmbël, që për fëmijët ka shije dhe prindërit nuk ndjehen fajtorë. Dhe, sikurse ovomaltine për shumë zviceranë, edhe “Plazma” është një kujtim nostalgjik i rinisë për kroatët, serbët dhe maqedonasit.

Veçanërisht e dukshme, këtyre ditëve është në Kosovë, shkruan «NZZ», përcjell albinfo.ch.

Nga zemërimi në përpjekjet e palodhura të Beogradit për të penguar njohjen ndërkombëtare të Kosovës, Qeveria në Prishtinë për të gjitha mallrat e importuara nga Serbia, i ka ngritur tatimet për 100 për qind. Tregtia ligjore përgjatë kufirit tashmë u bë ndalesë virtuale. Ekonomikisht, masa ka pak kuptim, pasi, duke pasur parasysh rëndësinë e ndryshme të tregtisë dypalëshe për të dy ekonomitë, efekti shkatërrues për Kosovën është shumë më i madh se sa për Serbinë. Si gjest politik, megjithatë, tarifat ndëshkuese në Kosovë janë ende shumë të njohura.

Kur u pyetën se cilat produkte do t’u mungojnë më shumë, përgjigjja ishte praktikisht gjithmonë e njëjtë: “Plazma”.