Gjyshja 84 vjeçare fiton 590 milionë në loto

Ky është fitimi më i madh në historinë e SHBA-së, i realizuar nga një person i vetëm

Duke fituar 590 milionë dollarë, një plakë 84 vjeçare nga Florida e SHBA-së ka thyer të gjithë rekordet e fitimeve në historinë e lotarisë ameriane, bëjnë të ditur mediet e atjeshme. Bëhet fjalë për jackpotin e kompanisë së lotarisë Powerball, të cilin gruaja e moshuar e ka qëlluar dy javë më parë por që është identifikuar vetëm tash. Ajo e kishte plotësuar biletën e lotos në një kiosk në qytetin Tampa.

Ky është fitimi më i madh në historinë e SHBA-së, i realizuar nga një person i vetëm. Ndërsa, fitimi më i madh i ndarë ndonjëherë nga ndonjë lotari amerikane ka qenë ai i marsit të vitiit 2012 që peshonte 658 milionë dollarë, por atë është dashur ta ndanin tre persona, që i kishin qëlluar numrat

Fituesja nuk ka pranuar të merrte pjesë në konferencën për medie që e ka mbajtur kompania e lotarisë dhe, përmes një shkrese, ka lutur gazetarët që të mos ia cënojnë sferën private.

Pas heqjes së taksave, fitueses do t`i mbeten 370 milionë dollarë neto