Paguan 150 milionë dollarë biletën për në Hënë

Nuk është problem të gjenden klientë që kanë vullnet për të paguar një biletë të tillë, sa është problem të gjenden njerëz të gatshëm që të përgatiten për udhëtimin në Hënë

Firma „Space Adventures“ i ka vënë vetes si objektiv zhvillimin e turizmit në kozmos. Që në vitin 2001 është dërguar turisti i parë me pagesë në ISS (International Space Station). Mirëpo tash, një njeri me pasuri  të madhe ka blerë nga kjo firmë edhe biletën për në hënë. Mirëpo, që shkuarja në Hënë të dalë me fitim për firmën, duhet të presë biletën edhe një turist tjetër.

“Ne jemi shumë optimistë se do të ketë treg për fluturime të tilla”, thotë kryetari i firmës “Space Adventures” Tom Shelley. Bileta për në hënë kushton 150 milionë dollarë.

Por nuk është problem të gjenden klientë që kanë vullnet për të paguar një biletë të tillë, sa është problem të gjenden njerëz të gatshëm që të përgatiten për udhëtimin në hënë. Kjo për faktin se përgatitjet e tilla kërkojnë të kesh në dispozicion tre deri katër muaj. Dhe pikërisht milionerët nuk kanë mundësi që t`i lënë bizneset e tyre për një kohë kaq të gjatë “pa zot”.