Apple, me 185 mrd. dollarë, firma më e vlerësuar në botë

Pas saj vjen kompania Google, e cila vlen 146 miliardë dollarë , IBM (112.5 miliardë), McDonald (90.3), Coca-Cola (78.4) etj.

Apple, e vlerësuar me 185 miliard dollarë, është marka (brendi) më e çmueshme në gjithë botën. Në këtë përfundim ka ardhur një studim i firmës së specializuar  për vlerësimin e brendeve, “Brandz Millward Brown”, i cili i referohet vitit 2013.

Apple, sipas këtij studimi prin me një dieferencë të madhe ndaj të dytit në listë, kompanisë Google, e cila vlen „vetëm“ 146 miliardë. Pas saj vinë IBM (112.5 miliardë), McDonald (90.3) dhe Coca-Cola (78.4).

Emra të rinj firmash, si Gucci, Prada, Yahoo etj. janë bërë pjesë e listës prej 100 markave më të vlerësuara në botë.

Në mesin e të rinjve në këtë shoqëri, më së shumti kanë rritur vlerën kompanitë për prodhimin e birrave. Kështu 10 markat prijëse në industrinë e birrës kanë shënuar një ngritje prej 36 për qind. Kësaj i ka kontribuuar „etja“ e madhe e tregjeve si ai i Kinës dhe Amerikës Latine.

Në nivel të Evropës, sipas Brandz vendin e parë e zë Vodafone me 39.7 miliardë dollarë. Pasojnë SAP (34.4 miliardë), BMW, HSBC, Deutsche Telekom, Luis Vuitton, Zara, Hermes L`Oreal dhe Shell.