Bota
Fshati ku lindi Zona Schengen
Sot, Zona Schengen përfshin 26 shtete anëtare. Nga këto, 22 janë anëtarë të BE-së, ndërsa katër (Islanda, Zvicra, Norvegjia dhe Lihtenshtajni) nuk janë

Schengen është një fshat i vendosur në brigjet e lumit Moselle, në trekëndëshin kufitar të Luksemburgut, Gjermanisë dhe Francës.
Këtu nënshkrua Marrëveshja e Schengenit dhe Konventa e Zbatimit të Schengenit, në vitin 1985 dhe 1990. Në fshat, ka disa vende që kujtojnë marrëveshjen, duke përfshirë Qendrën Evropiane të Schengenit me muzeun e saj. Schengen është bërë qendra e lëvizjes së lirë në Evropë që nga nënshkrimi i Marrëveshjes së Schengenit.
Në gjurmët e një vendi historik siç është Luksemburgu, i cili qëndron si një monarki kushtetuese e lidhur mes dy republikave gjigante të Francës dhe Gjermanisë dhe ka paguar çmimin për vendndodhjen e saj në jo një, por dy luftëra botërore, ndodhet edhe Schengen, transmeton ‘Scan’.
Schengen njihet për prodhimin e verës së vendit, me vreshtat rresht pas rreshti të mbuluara mbi kodrat e ulëta të ndërprera vetëm nga shpërndarja e qyteteve dhe fshatrave, përcjell albinfo.ch.
Ndërsa Luksemburgu do të merrte së shpejti presidencën e KEE-së, kombi i vogël kishte të drejtë të zgjidhte se ku do të bëhej nënshkrimi i këtij traktati. Schengen është i vetmi vend ku Franca dhe Gjermania bashkohen me një anëtar të Beneluksit, duke e siguruar atë si destinacion të zgjedhur. Si pikë takimi i tre vendeve, zgjedhja e Schengenit ishte e mbushur me simbolizëm. Për të siguruar se ishte një çështje neutrale, nënshkruesit u mblodhën në një anije për të nënshkruar marrëveshjen. Anija u ankorua sa më afër kufirit me tri pikat, që shkon poshtë në mes të lumit Moselle.
Sot, Zona Schengen përfshin 26 shtete anëtare. Nga këto, 22 janë anëtarë të BE-së, ndërsa katër (Islanda, Zvicra, Norvegjia dhe Lihtenshtajni) nuk janë. Schengen kishte kritikët e saj atëherë siç ka edhe tani. Kriza e migrantëve të fundit dhe sulmet e Parisit në vitin 2015 minuan Schengenin, duke u dhënë atyre mjaft municione kundër kufijve të hapur. Pavarësisht diferencave, zona e Schengenit vazhdon të rritet, edhe pse procesi për t’u bashkuar asaj është mjaft i vështirë. Politika ende përcakton se kush mund të bashkohet ose jo, pasi anëtarët e rinj duhet të votohen njëzëri. Në fakt, asnjë vend nuk i është bashkuar zonës Schengen për disa vite; Lihtenshtajni ishte shtimi i fundit në vitin 2011.
Natyrisht, ka më shumë për këtë fshat të vogël sesa legjislacioni ndërkombëtar. I ndodhur 35 km larg Luksemburgut, Schengen i ofron vizitorëve mundësitë për të lundruar përgjatë brigjeve të Moselle, të shëtisin apo të bëjnë çiklizëm në kodrat përreth, si edhe te vizitojnë muzeun i cili u inaugurua më 13 qershor 2010, 25 vite pas nënshkrimit të marrëveshjes Schengen, i cili i është kushtuar pikërisht kësaj të fundit.
Të ngjashme
Të tjera nga Bota
E-Diaspora
-
Ekspozita “Gjergji në Art”, nderim artistik për 620-vjetorin e lindjes së Skënderbeut Ngjarja do të prezantojë një përzgjedhje të pasur veprash nga artistë shqiptarë të frymëzuara nga...
-
Rrënjët që nuk thahen: Familja Limoni, muze i shpirtit shqiptar
-
Presidentja e Kosovës ftohet nga Presidentja e Zvicrës për vizitë shtetërore në Zvicër
-
Liridoni sjell në Zvicër shijen e bukës dhe ëmbëlsirave shqiptare
-
Lorena Kengji: Arti si një mënyrë për të qëndruar e lidhur me veten
Jeta në Austri
-
Pesë mënyra se si mund të kurseni para kur blini ushqim në Austri Nga pazaret e tregut te programet e besnikërisë së supermarketeve, ka shumë mënyra për t’i bërë...
-
Vjena sheh rritje 30% të rasteve të mbidozës së drogës tek adoleshentët
-
Gjërat që nuk mund t’i mbani në makinën tuaj në Austri
-
Austriakët arritën rekord prej 27.5 milionë udhëtime pushimesh
-
Domethënia e zgjedhjeve të Vjenës për të huajt, sezoni i alergjive dhe ngjarjet kryesore të javës në Austri