Bota

Britani: Shpëtohen disa migrantë iranianë

E shtunë, 24 Nëntor 2018 - 16:00 albinfo.ch

Një grup prej tetë migrantësh nga Irani janë shpëtuar, pasi po udhëtonin me një anije të vogël në brigjet e Britanisë.

Ministria e Brendshme britanike tha se migrantët janë shpëtuar pranë brigjeve të qytetit Dover më 23, teksa ata po lundronin me një anije gome.

Migrantët më pas janë marrë në pyetje nga autoritetet dhe raportohet se janë në gjendje të mirë fizike, shkruan REL, përcjell Albinfo.ch.

Ende është e paqartë se prej ku kanë nisur rrugëtimin e tyre këta migrantë drejt Britanisë.

Katërmbëdhjetë qytetarë iranianë po ashtu ishin shpëtuar më 22 nëntor, teksa po udhëtonin me një anije të ngjashme.

Autoritetet britanike thanë se vetëm gjatë kësaj jave, në kanalin anglez janë shpëtuar 42 migrantë. BBC ka raportuar se 93 migrantë, që besohet se janë nga Irani, kanë arritur që të vijnë me anije në Angli.

 Të ngjashme

As procedura e lehtësuar nuk i josh të rinjtë të marrin pasaportën zvicerane

 Të tjera nga Bota

Mbi 10 mijë viktima në Evropë si pasojë e valës së fortë të të nxehtit

 E-Diaspora

 Jeta në Austri