Rriten çmimet e naftës në tregjet ndërkombëtare

Çmimet e naftës në tregjet ndërkombëtare janë rritur dhe tani është mbi 71 dollarë amerikanë, pasi Arabia Saudite njoftoi se furnizimi globale do të reduktohet me një milion fuçi në ditë.

Në tregun e Londrës, çmimet e fuçisë u rritën me 1.08 dollarë kundrejt mbylljes së mëparshme dhe arritën në 71.26 dollarë, shkruan albinfo.ch.

Në tregun e SHBA-së një fuçi nafte u tregtua me çmim më të lartë prej 74 centë, ose në 60.93 dollarë.

Ministri saudit i Energjisë tha se prodhimi global duhet të reduktohet me një milion fuçi në ditë në krahasim me nivelin në tetor për të rivendosur ekuilibrin në treg dhe për të shmangur akumulimin e padëshiruar e inventarëve.

Sipas të dhënave zyrtare, prodhimi i Arabisë Saudite, Rusisë dhe Shtetet e Bashkuara (SHBA) është rritur në tre muajt e mëparshëm për 1.05 milionë fuçi në ditë.

Prandaj, Organizata e Vendeve Eksportuese të Naftës (OPEC) do të duhet të rregullojë prodhimin, që është rreth 33.3 milionë fuçi në ditë.

Çmimet e naftës shënuan rënie në tetor rreth 20 për qind për shkak të rritjes së shpejtë të furnizimit global dhe kërcënimet për të reduktuar kërkesën, veçanërisht nga përdoruesit, të tilla si India, Indonezia dhe Kina, monedhat e të cilave u dobësuan kundrejt dollarit dhe reduktimit të blerjes së energjisë.

OPEC tha se çmimi i një fuçie nga shporta e naftës së papërpunuar javën e kalluar ishte 68.89 dollarë, që do të thotë se ra me 1.79 dollarë krahasuar me një ditë më parë.