Shitet çmimi Nobel për 2.23 milionë dollarë

Fjala është për medaljen e çmimit Nobel për mjekësi, të fituar në vitin 1962 nga Francis Crick, për zbulimin e strukturës së ADN-së

Është hera e parë në historinë e çmimit Nobel që një medalje e dhënë bashkë m çmimin, të hidhet në ankand të tu shitur, thonë në shtëpinë ankandeve Heritage Auctions.

Fjala është për medaljen e çmimit Nobel për mjekësi, të fituar në vitin 1962 nga Francis Crick, për zbulimin e strukturës së ADN-së. Një person i panjohur ka paguar të enjten 2.23 milionë dollarë për medaljen.

Shkencëtari anglez, Francis Crick, çmimin Nobel e pati fituar bashkë me kolegët e tij James Dewey Watson dhe Maurice Hugh Frederick Wilkins.

Nobelisti në fjalë ka ndërruar jetë në vitin 2004 në moshën 88 vjeçare. E veja e tij e kishte mbajtur medaljen në një trezor të mbyllur ndërsa, pas vdekjes së saj, pasardhësit kishin vendosur ta shisnin. Bashkë me medaljen, është shitur edhe certifikata e l¨shuar nga Akademia Mbretërore.

Pak kohë më parë është shitur në ankand për një shumë të jashtëzakonshme letra në të cilën nobelisti Crick i shpjegonte të birit strukturën e ADN-së. Me mbi 6 milionë dollarë sa ishte shitur, ka qene kjo letra për të cilën është paguar çmimi më i lartë në historinë e ankandeve.

---