A ishte mashtrim konkursi për punë në Gjermani?

Derisa Kosova ende mbetet e izoluar, shumë qytetarë po mbesin me shpresën se do të gjejnë vende pune jashtë shtetit.

Një gjë e tillë ndodhi edhe javën e kaluar kur Prizreni u stërmbush me qytetarë të cilët po shpresonin se do të mund të aplikonin në konkursin e një kompanie gjermane për të punuar në Aeroportet e Gjermanisë, por gjithçka po duket të jetë mashtrim, raporton televizioni publik i Kosovës.

Të paktën për dyshime me mashtrim i ka nisur hetimet Prokuroria Themelore e Prizrenit, përcjell albinfo.ch.

Hetimet janë duke vazhduar, derisa qindra qytetarë kanë aplikuar për punë në aeroportin e Hamburgut.

Konkursi ishte i hapur në Prizren dhe Prishtinë. Numër më i madh ishte në Prizren.