Wizz Air filloi me fluturime Memingen-Prishtinë-Memingen

Brenda dy javësh nisin fluturimet e Wizz Air në linjën Basel-Prishtinë-Basel

Dje, 30 tetor 2018, në orët e pasdites në Aeroportin Ndërkombëtar të Prishtinës ‘Adem Jashari’ u realizua fluturimi i parë dhe interesimi i pasagjerëve për të shfrytëzuar këtë mundësi të re udhëtimi ishte i jashtëzakonshëm.

Wizz Air filloi edhe zyrtarisht me linjën e re Memingen-Prishtinë-Memingen, shkruan albinfo.ch.

Brenda dy javësh nisin fluturimet e Wizz Air në linjën Basel-Prishtinë-Basel, e që nga mesi i dhjetorit edhe Dortmund-Prishtinë-Dortmund.

Aeroporti Ndërkombëtar i Prishtinës ka pasur rritje të numrit të udhëtarëve në vitin 2018, derisa me linjat e reja sigurisht se do të shtohet edhe më shumë numri, duke marrë parasysh numrin e mërgimtarëve që jetojnë jashtë Kosovës.

---