Dhunohet turistja zvicerane në Indi

Turistja nga Zvicra ishte sulmuar teksa flinte me bashkëshortin në një tendë kampingu, në Indinë qendrore

Mediat zvicerane transmetojnë rrëfimin e çiftit zviceranë, të cilët thanë se një grup prej shtatë burrash i ka kapur ata në befasi, u ka vjedhur paratë dhe sendet me vlerë.

Më pas, shtatë prej tyre kanë abuzuar me radhë me 39-vjeçaren nga Zvicra , pasi kishin neutralizuar bashkëshortin e saj. Policia ka arrestuar 13 persona.

Çifti  zviceran ishin në një turne me biçikleta në Indinë Qendrore

Ngjarja ka ndodhur të premten  në mbrëmje në fshatin Jhadia, një vend atraktiv për turistët. Zvicerania ishte pranuar në spital, sipas raporteve të mediave nga Kamalaraje në Gwalior. Atje, mjekët konfirmuan përdhunimin. Gruaja ishte me vetëdije dhe në gjendje për të treguar për tmerrin që i ka ndodhur.  

Në një komunikatë të Departamentit Federal të Punëve të Jashtme (DFA)  thuhet se janë të indinjuar  thellësisht nga incidenti tragjik që ndodhi me turistët zviceranë në Indi.  

Zyrat në Nju Delhi dhe Bombei kanë mbështetur viktimat. Departamentit Federal i Punëve të Jashtme  është në kontakt me autoritetet lokale..

India është tronditur nga një seri dhunimesh të ngjashme të ndodhura së fundmi, të cilat nuk kanë kursyer as të miturat.