Futboll

20-vjeçari që po shkëlqen në Gjermani

Florent Muslija ka shënuar një gol të jashtëzakonshëm për Hannoverin ndaj Leverkusenit

E diel, 21 Tetor 2018 - 10:00 albinfo.ch

Një yll i futbollit shqiptar po lind në Gjermani. Florent Muslija është vetëm 20-vjeçar, megjithatë, po tregohet se është një talent i jashtëzakonshëm.

Muslija shënoi një gol shumë të bukur për Hannoverin në barazimin 2:2 ndaj Bayern Leverkusenit në udhëtim, shkruan albinfo.ch.

Mesfushori shqiptar shënoi nga gjuajtja e lirë në minutën e 25-të nga rreth 30 metra. Goli i tij ishte i jashtëzakonshëm.

Kujtojmë se Muslija për Hannoverin në Bundesliga ka debutuar ndaj Eintracht Frankfurtit, ku kishte arritur të shënojë golin e vetëm në humbjen 1:4.

Në takimin e fundit ndaj Leverkusenit ishte hera e parë që luajti nga fillimi, por u zëvendësua në minutën e 68-të.

Florent Muslija është pjesë e Gjermanisë U-20. Ai është me prejardhje nga Kosova.

 Të ngjashme

Si rekrutohet stafi infermieror nga Kosova, në Bavari

 Të tjera nga Futboll

Ylli sllovak: Nuk arritëm ta përballojmë ritmin e Kosovës

 E-Diaspora

 Jeta në Austri