Shpëtim për boshtin e dëmtuar kurrizor!

Pas terapisë së përdorur disajavëshe, minjtë e paralizuar arritën të ecin sërish, të ngjesin shkallët dhe t’i kalojnë pengesat.

Në të ardhmen do të mund ndoshta të shërohen edhe të paralizuarit nga dëmtimet e boshtit kurrizor (paraplegjitikët). Këtë shpresë e forcojnë rezultatet e punës shkencore të Politeknikumit të Lozanës (École polytechnique fédérale de Lausane (EPFL))  dhe të Universitetit të Cyrihut të udhëhequr nga neurohulumtuesi Grégoire Courtine, në rast se arrijnë të barten me të njëjtin sukses tek njerëzit si tek minjtë. Pas terapisë së përdorur disajavëshe, minjtë e paralizuar arritën të ecin sërish, të ngjesin shkallët dhe t’i kalojnë pengesat.

Neurorehabilitimi i përdorur tek kafshët ishte një kombinim i simulimeve elektromekanike dhe i një trajnimi  të veçantë ecjeje i ndihmuar nga një lloj “ene ecjeje” me dirigjim robotik.

„Ne ju kemi injektuar minjve me bosht të dëmtuar kurrizor koktej medikamentesh dhe pastaj pjesën e  poshtme të boshtit kurrizor e kemi stimuluar me elektrodë. Njëkohësisht kemi zhvilluar një robot, i cili nuk e ndihmon ecjen, por e siguron mirë miun e dëmtuar në përpjekjet e tij për të ecur. Ne kemi konstatuar se pas disa javësh miu i paralizuar rifitoi aftësitë e të ecurit dhe, bile, edhe të kërcejë në dysheme dhe të bëjë ngjitje.

Në trurin e miut u krijuan lidhje të reja nervore, do me thënë fijet e dëmtuara nervore u  ripërtërinë  dhe arritën të krijojnë lidhje të reja, gjë që mundësoi edhe bartjen e urdhërave nga truri në këmbë. Se a do të mund të përdoret me të njëjtin sukses kjo terapi edhe tek njerëzit mbetet të shihet. Përdorimi me sukses i kësaj metode në shërimin e minjve lë shumë për të shpresuar. Ne do t’i vëmë të gjitha forcat në dispozicion për ta provuar terapinë edhe klinikisht dhe atë brenda një kohe sa më të shkurtë“, thotë  Grégoire Courtine.