Gjen në garazh piktura me vlerë prej 30 milionë dollarësh

Vetëm pasi ka filluar ta pastrojë garazhin ai kishte hasur në pasurinë e madhe. Bëhet fjalë për 70 mijë vepra të ndryshme që së bashku kushtojnë 30 milionë dollarë

Ndodh edhe kjo: “fle” mbi pasurinë shumëmilionëshe dhe nuk është i vetëdishëm për këtë. kështu i ka ndodhru një qytetari në afërsi të Nju Jorkut, i cili në garazhin e tij ka zbuluar piktura që kushtojnë 30 milionë dollarë. Siç njofton “ABC News” e të premtes, amerikani e kishte blerë atë garazh së bashku me shtëpizën e pushimeve në Long Island që nga viti 2007.

Për të dyja bashkë me truallin ai atëbotë kishte paguar 300 mijë dollarë. Por, vetëm pasi ka filluar ta pastrojë dhe rregullojë atë, ai kishte hasur në pasurinë e madhe. Bëhet fjalë për 70 mijë vepra të ndryshme që së bashku kushtojnë 30 milionë dollarë.

Veprat i takonin piktorit të ndjerë ekspresionist amerikan Arthur Pinaijan. Piktori është bërë i njohur vetëm pasi që pronari i ri i garazhit i kishte gjetur punimet e tij. Ndërsa vlerësimi i veprës nga profesionistët ka zgjatur deri më tash. Kjo dhe është arsyeja përse lajmi për këtë zbulim ka pritur deri të premten publikimin. Dhe, vlerësuesit e kanë krahasuar veprën e tij me atë të piktorëve të mëdhenj si Cesan e Gogaine me shokë!