Puna shtesë e policëve, do të paguhet

Qeveria e Kosovës ka ndarë 2.6 milionë euro për kompensimin e orëve shtesë në policinë e Kosovës, që ishte edhe kërkesë e PK-së, përcjell albinfo.ch.

“Ky është veprimi final. Për bindjen time, është më se e nevojshme që shteti të mos i mbesë borxh policit të vet. Një shtet që s’mund t’i paguajë policët, më mirë le ta mbyllë ‘dugajën’.

Nuk besoj se ka raste të tilla në botë. Duhet të krijohen praktika që zyrtarëve shtetërorë që kanë kontratë me shtetin, të mos u mbesim borxh. Nëse jo çdo muaj, këto obligime duhet të kryhen çdo tre ose gjashtë muaj”, ka thënë Haradinaj.