Schütz kërkon miratimin e reformës zgjedhore

Ambasadorja gjermane në Tiranë, Susanne Schütz, në takimin e Komisionit të posaçëm për Reformën Zgjedhore ka kërkuar nga opozita të heqë dorë nga qëndrimi bllokues.

“Ne presim që të gjithë grupet parlamentare, duke përfshirë edhe opozitën, të heqin dorë nga qëndrimi bllokues dhe të kthehen në Parlament për të vijuar menjëherë me reformën zgjedhore”, ka thënë ajo, përcjell albinfo.ch.

Ambasadorja tha se e përshëndesin faktin që procesi i reformës zgjedhore po përparon nëpërmjet paraqitjes së dokumentit bazë.

“Qeveria Federale gjermane, Bundestag-u gjerman dhe Bashkimi Evropian kanë nënvizuar në mënyrë të përsëritur rëndësinë, të cilën ata i kushtojnë zbatimit të rekomandimeve të OSBE/ODHIR në lidhje me kodin zgjedhor shqiptar. Gjermania mbështet financiarisht punën e ekspertëve të pavarur në procesin e reformës zgjedhore”, tha ambasadorja.