Shtatore e Papës Gjon Pali II, për rekord të Ginisit

Këtë shtatore, që do të jetë e lartë 13.8 metra do ta ndërtojnë bashkatdhetarët e Papës, polakët

Papa Gjon Palit të Dytë (jo këtij që dha dorëheqje pak ditë më parë), do t`i ngrihet shtatorja që pritet të hyjë në librin e rekordeve të Ginisit.

Këtë shtatore që do të jetë e lartë 13.8 metra do ta ndërtojnë, kush tjetër, pos bashkatdhetarëve të papës, polakëve që krenohen me të dhe që njihen si katolikë të devotshëm.

Shtatorja do të ndërtohet në një park pushimi në qendrën Czestochowa që njihet edhe si vend pelegrinazhi për besimtarët katolikë, në jug të Polonisë.

Ajo pritet të përurohet më 13 prill të këtij viti nga ipeshkvi Waclaw Depo.