“Nestle” tërheq produktet për shkak te mishit të kalit

Gjigandi zviceran „Nestle“ tha se me këtë mish viçi ishte furnizuar nga një kompani gjermane

“Nestle” ka tërhequr produktin pasta me mish viçi nga tregu i Italisë dhe Spanjës.

Testet në këto produkte kanë treguar që ka përmbajtje të mishit të kalit.

Në një deklaratë të zyrtarëve të prodhuesit më të madh botëror të ushqimit dhe pijeve, thuhet se ADN-ja e kalit e gjetur në dy produkte të kësaj kompanie, ishte mbi një për qind, një prag të cilin Agjencia Britanike për Siguri të Ushqimit e përdor për të treguar falsifikimin e mundshëm apo neglizhencën e kompanisë.

Gjiganti zviceran tha se me këtë mish viçi ishte  furnizuar nga një kompani gjermane.

 Skandali evropian me mishin e kalit të vendosur në prodhimet me etiketimet e rreme me mish viçi, filloi muajin e kaluar.

Kjo ka çuar në një seri të tërheqjes së produkteve të tilla duke  alarmuar  qeveritë evropiane për të hetuar industrinë e përpunimit të ushqimit