E-Diaspora
Një vajzë shqiptare për Xherdan Shaqirin
Ish-ylli i Baselit, pohon se prindërit e tij dëshirojnë që ai të lidhet me një vajzë shqiptare
Ylli kosovar i Bayern Munich, Xherdan Shaqiri në një intervistë dhënë për mediat zvicerane, ka folur për jetën e tij private si dhe për kohën që po kalon tek klubi gjerman. Reprezentuesi kosovar i Zvicrës, ka thënë se ka shumë pak kohë që t’ia kushtojë jetës private. Ai ka bërë të ditur se akoma është beqar, transmetojnë mediat e Prishtinës.
Ish-ylli i Baselit, pohon se prindërit e tij dëshirojnë që ai të lidhet një vajzë shqiptare.
“Është vështirë të gjej kohë dhe të ulem në ndonjë restorant, të drekoj me familjen apo të kem kohë për një person që të ma dojë zemra, sepse jetës private duhet t’i kushtohet shumë rëndësi, veçanërisht mashkulli duhet të kujdeset 100% për femrën që e dashuron. Për momentin atë kohë nuk e kam në dispozicion”, ka thënë Shaqiri.
“Në Munich ndihem si në shtëpinë time. Kam filluar të bëj edhe punën e modelit. Janë pesë gazeta të përditshme, të cilat ndjekin aktivitetin tim në çdo hap dhe sigurisht një numër i madh femrash dëshirojnë të më kenë. Është një interes i lartë për mua, këtë nuk mund ta imagjinoja më parë. Kohët e fundit po marr shumë numra telefoni përmes kamerierëve kur jam në ndonjë lokal. Pyesin a është ky Xherdan Shaqiri? Prandaj, unë shpesh ndodh që edhe të maskohem për të qenë më i qetë në vendin ku qëndroj”, tha mesfushori kosovar.
Shaqiri i njohur më nofkën “Xhuxhi”, pohon se është i përkushtuar ndaj familjes se tij.
“Prindërit e mi do të ishin shumë të lumtur po të më shihnin të lidhur me një shqiptare. Për ata origjina e bashkëshortes sime ka shumë rëndësi. Unë jam një njeri familjar sigurisht dhe këtë gjë do të doja edhe në të ardhmen. Dhe jo rastësisht shumica e vëllezërve dhe motrave të mia gjenden me mua në Mynich, në vilën tetëdhomëshe, që kam marrë me qira në periferi të qytetit. Vëllai im, Arianiti, kujdeset për gatim dhe larje, Erdini menaxhon karrierën time, kurse motra ime Medina ka një vend të madh në zemrën time. Është vetëm 12 vjeçe dhe jeton ende me prindërit, por më viziton shpesh”, ka theksuar Shaqiri.
E-Diaspora
-
A mendoni se vetëm 400 mijë shqiptarë janë në diasporë? Deri më tani, referuar statisitkave, mbi 400 mijë persona janë regjistruar nga diaspora, shkruan albinfo.ch. Në...
-
Presidentja Osmani: Regjistrohuni, mërgimtarë!
-
Shqiptarja Mira Murati prezanton modelin e përditësuar të ChatGPT
-
Shqiptarja e veshur me xhubletë diplomon në Universitetin prestigjioz në SHBA
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë