35 për qind më shumë azilkërkues gjatë janarit

Numri më i madh i kërkesave vijnë nga personat që tashmë një kohë të gjatë janë nëpër Evropë

2141 kërkesa për azil janë paraqitur gjatë janarit në Zvicër. Bëhet fjalë për 35 për qind më shumë se në dhjetor, por më pak se në nëntor.

Sipas Zyrës Federale për Migracion (BFM), azilantët më shumë vijnë nga Tunezia, Nigeria, Eritrea, Afganistani dhe Maroku.

Numri më i madh i kërkesave vijnë nga personat që tashmë një kohë të gjatë janë nëpër Evropë.

Për shkak të problemeve ekonomike emigracioni është në rritje brenda vendeve të BE-së.

Ndërsa gjatë janarit mbeti i ulët numri i kërkesave për azil nga vendet e Ballkanit. Vetëm 59 kërkesa azili u pranuan nga qytetarët e këtyre vendeve të liruara nga vizat.

Që prej aplikimit të procedurave të shpejta janë proceduar 1876 kërkesa për azil.

1872 azilkërkues të këtyre vendeve të Ballkanit janë larguar nga Zvicra.

Që nga hyrja në fuqi e Marrëveshjes së Dublinit, në vitin 2009, Zvicra ka qenë e autorizuar të pranojë gjatë janarit 947 kërkesa azili nga vendet e tjera evropiane.

Nga Italia janë pranuar 530 raste.

357 njerëz në të njëjtën kohë mund të transferohen në vendet e tjera nënshkruese të marrëveshjes së Dublinit (228 në Itali). Bëhet fjalë për 46 më shumë raste se në muajin e kaluar.

Gjatë të njëjtës periudhë, Zvicrës i është kërkuar nga shtetet e tjera të Dublinit për të pranuar 216 azilantë. Për 129 azilkërkues tashmë Zvicra është deklaruar e gatshme t’i pranojë, ndërsa 86 raste të tjera janë refuzuar.