Shefi nuk ka të drejtë të spiunojë punëtorin!

Ai nuk guxon ta bëjë këtë madje as kur ekziston dyshimi i qartë se punëtori është duke përdorur internetin gjatë kohës së punës

Punëdhënësit  nuk kanë të drejtë të përgjojnë të punësuarit e tyre, gjegjësisht të instalojnë fshehurazi softuerë përgjimi në kompjuterët ku punojnë ata. Ata nuk guxojnë ta bëjnë këtë madje as kur ekziston dyshimi i qartë se punëtori është duke surfuar ose duke shkruar emaile gjatë kohës së punës.

Ky është një vendim i prerë i instancës më të lartë të gjyqësisë zvicerane, Gjykatës Federale të Zvicrës, i shqiptuar së fundi.

Rasti për të cilin ka vendosur kjo gjykatë ka të bëjë me atë nëse një i punësuar i profilit të latë në mbrojtjen civile në Bellinzona ka pasur të drejtë ose jo të përdorë internetin për çështje private gjatë kohës së punës. Atij, përmes “softuerit spiun” i është dëshmuar se ka përdorur me orë të tëra pajisjet informatike të punës për qëllime që nuk kanë të bëjnë me punën e tij.

Por, Gjykata Federale i ka dhënë të drejtë atij, duke potencuar se mbikëqyrja ose përgjimi është në kundërshtim me ligjin e punës.