Nuk preken shtesat e fëmijëve të invalidëve

Komisioni po ashtu nuk do t`i zbresë as kompensimet për shpenzimet e udhëtimit që u takojnë shfrytëzuesve të pensioneve të invaliditetit.

Shtesat për fëmijët e personave që marrin pension invaliditeti në Zvicër nuk do të ulen, ka vendosur të martën Komisioni përgatitor i Dhomës së Kantoneve të Parlamentit të Zvicrës. Duke marrë këtë vendim ai ka ndjekur veprimin e mëparshëm të Dhomës Nacionale të Parlamentit.

Komisioni po ashtu nuk do t`i zbresë as kompensimet për shpenzimet e udhëtimit që u takojnë shfrytëzuesve të pensioneve të invaliditetit. Gjendja financiare aktuale e sigurimit invalidor e lejon një gjë të tillë, kanë thënë për mediet përgjegjësit e sigurimeve.

Ndërkaq komisioni ka vlerësim tjetër për gjendjen financiare të AHV (sigurimi pensional). Ky fond  mund të bjerë në gjendje të vështirë më shpejtë se sa që beson Këshilli Federal. Për këtë arsye duhet frenuar futja e mëtejme në borxhe.