Messi, më i miri në botë për të katërtën herë

Messi me titullin e tij të katërt, ka tejkaluar Ronaldon “e vjetër”, ish futbollistin e madh brazilian i cili kishte fituar këtë titull në vitet 1996, 1997 dhe 2002

Ndodhi ajo që pritej: Lionel Messi në solemnitetin e mbajtur në Cyrih, organizuar nga FIFA, mori për të katërtën herë me radhë titullin e Lojtarit më të mirë të vitit në botë.

Sulmuesi argjentinas i Barcelonës ka dalë edhe njëherë më i mirë se rivali i tij i përhershëm Christiano Ronaldo nga Real Madridi dhe portieri po nga Barcelona, Andres Iniesta.

Sidoqoftë, Messi me titullin e tij të katërt, ka tejkaluar Ronaldon “e vjetër”, ish futbollistin e madh brazilian i cili kishte fituar këtë titull në vitet 1996, 1997 dhe 2002.

Meritat për të cilat Messi është shpërblyer me këtë çmim dihen. Pos që luan për klubin më të suksesshëm aktualisht jo vetëm në Spanjë, Barcelonën, ai është dalluar si autor i disa rekordeve botërore në futboll.

Thyerja e rekordit të Gert Müllerit për numrin e golave të shënuar është rekordi i tij i radhës. Derisa Müller në vitin 1972 kuishte shënuar 85 gola, Messi e ka tejkaluar atë ndjeshëm duke shënuar plot 91 gola.

Futbolliste e vitit është zgjedhur Abby Wambach

Për Messin kanë votuar 41.6% ndërsa për Ronaldon 23.7%.