Zvogëlohen rezervat devizore në Bankën Nacionale të Zvicrës

Pa i llogaritur rezervat në ari, Banka Nacionale e Zvicrës në fund të dhjetorit posedonte një total rezervash prej 434.2 miliardë frangash

Në trezorët e Bankës Kombëtare të Zvicrës janë rreth 200 milionë franga rezerva valutore më pak se në fund të nëntorit.

Megjithatë arkat e bankës janë të mbushura  plotë,  200 miliardë franga më shumë se një vit më herët.

Rreth një vit më parë Banka Nacionale e Zvicrës ka përcaktuar normën minimale të këmbimit të frangut me euro. Këtë limit e ka ruajtur me blerjet masive valutore. Ndërkohë, rezervat peshojnë 427.2 miliardë frangash.

Niveli rekord ka mbërritur në 429,54 miliardë frangash në shtator. Rezervat valutore kanë shënuar  më pak rënie në tetor.

SNB ka llogaritur euron me një çmim mesatar prej 1.2052 franga zvicerane në 1.2098 franga në nëntor. Ky rezultat është një reduktim i mjeteve rezervë të euros kundrejt frangut.

Në të kundërt, norma mesatare e dollarit u rrit në dhjetor nga  0.9328 në 0. 9392 franga.

“SNB” mban rezervat valutore kryesisht në euro, dollarë, jen dhe funta britanik.

Luhatjet e kursit të këtyre monedhave kundrejt frangut zviceran ndikojnë në lëvizjen e rezervave devizash.

Pa i llogaritur rezervat  në ari,  Banka Nacionale e Zvicrës në fund të dhjetorit posedonte një total rezervash prej 434.2 miliardë frangash.